വാര്ത്തകള്ക്കു ക്ഷാമമുള്ളൊരു ദിവസമാണ്
ഘോഷയാത്രയിലേക്ക് ലോറിപാഞ്ഞുകയറിയത്.
അഞ്ചെട്ടെണ്ണം പോയെന്നു കേട്ടാദ്യം,
പിന്നീടെണ്ണം കുതിച്ചുകയറി.
ഫോണ് കറക്കി ജില്ലാ ബ്യൂറോയില് ഒരു കെട്ട്
നിര്ദേശം നല്കിയ ശേഷമാണ് ന്യൂസ് എഡിറ്ററൊന്നു
സമാധാനത്തോടെ സീറ്റിലേക്കു ചാഞ്ഞത്.
ഒന്നാംപേജ് ലീഡായി, അനുബന്ധവാര്ത്തകളേറെയായി.
അഞ്ചെട്ടു സഹതാപ ചിത്രങ്ങള് ഇതിനു പുറമെ.
എല്ലാമായപ്പോള് ലേഔട്ടിന്റെ തിരക്ക്് ഡെസ്കില്.
നാളെയിറങ്ങുന്ന പത്രങ്ങളോരോന്നിനെയും
കവച്ചുവയ്ക്കുന്ന പ്രകടനം സ്വപ്നം കണ്ട്
രാവേറെ വൈകി ന്യൂസ് എഡിറ്റര് കിടപ്പറ പൂകി.
