Saturday, August 29, 2009

ചിലന്തിവല


ഓര്‍മ ചിലന്തിവലപോലെയാണ്‌
അഴിക്കുംതോറും അതു
പിണഞ്ഞുകൊണ്ടേയിരിക്കും.
നിലനില്‍പ്പിന്റെ നൂല്‍പ്പാലമാണത്‌.
ആ വലയിലൂറുന്നതാവട്ടെ ഇന്നലെകളും.
കെട്ടുപിണഞ്ഞുകിടക്കുന്ന ഓര്‍മകളെ
ഉണര്‍ത്തുക പലപ്പോഴും അപ്രാപ്യമാണ്‌.
ചിലപ്പോള്‍ നാമറിയാതെ അവ ചാരത്തണയും
ചിലപ്പോള്‍ എത്രകൊതിച്ചാലും കിട്ടുകയുമില്ല.
ബോധമണ്ഡലങ്ങളിലൊക്കെ
തലങ്ങുംവിലങ്ങും വലക്കണ്ണികളാണ്‌.
അപായക്കെണിയൊരുക്കി
കാത്തിരിക്കുകയാണ്‌ ചിലന്തി,
ഇരകുടുങ്ങാതെ
അതിന്റെ വിശപ്പാറില്ലല്ലോ...
ഓര്‍മകളില്‍ ഇരകുടുക്കാന്‍
ജാഗരൂഗനായി കാത്തിരിക്കട്ടെ
ഞാനും, ഒരു ചിലന്തിയായി.




6 comments:

  1. ഞാന്‍ കരുതി നീ സില്‍വിയാപ്ലാത്തിനെക്കുറിച്ച്‌ കവിത എഴുതീന്ന്‌..
    നോക്കിയപ്പോള്‍ അല്ലേ മനസ്സിലായത്‌... ചിലന്തിയെക്കുറിച്ച്‌..ഉൗൗൗൗൗൗപസ്‌....
    മെസ്സിലെ ചിലന്തിയാണോ ഇത്രമേല്‍ റൊമാന്റിക്‌...

    ReplyDelete
  2. ഇനിയുള്ള വഴികള്‍ക്ക്‌ വിഘ്‌നമാകാതിരിക്കട്ടെ ഓര്‍മകളുടെ ചിലന്തിവലകള്‍ ...............ആശംസകള്‍

    ReplyDelete
  3. കാത്തിരുന്നിട്ടും ഇരയെ കിട്ടാതതിനെക്കാള്‍ കഷ്ടമാണ് ,
    സ്വന്തം വലയില്‍ കുടുങ്ങേണ്ടി വരുന്നത്!............

    ReplyDelete