ഫോണില് പരിചയപ്പെട്ട ആദ്യനാളില്
മൊബൈലിന്റെ മോഡലിനെക്കുറിച്ച്,
മുറുകിയ മിണ്ടാട്ടങ്ങളില് കുടുങ്ങവെ
മാസാന്ത്യം എണ്ണിവാങ്ങുന്ന ശമ്പളം
തികയ്ക്കുന്ന പൂജ്യങ്ങളെക്കുറിച്ച്,
പങ്കുവയ്ക്കപ്പെട്ട സ്വപ്നങ്ങളുടെ
ഇടവേളകളില് ചോദ്യശരങ്ങളുടെ
മൂര്ച്ചകൂട്ടാന് കാറും ടൂവീലറുമെത്തി.
ഒടുവില് എല്ലാ ചോദ്യങ്ങള്ക്കും
ഉത്തരംലഭിച്ചപ്പോള്
പ്രണയത്തെകുഴിച്ചുമൂടിയവള്
വിടചൊല്ലാതെ പോയ്മറഞ്ഞു.
No comments:
Post a Comment